Asal
Muasal Sungai Walennae di Soppeng Sulawesi Selatan
(Cerita
dalam Bahasa Bugis)
Assalenna Salo’ Walennae
Riolo, riseddi bulu engka seddi
makkalabiningeng tuo, yaro atuo-tuongenna madece-decemua.
iyarosipangngulungenge engka ambo’na, indo’na, na engkato ana’ makkundrainna
seddi, asenna walennae. Esso-essona ye lapong ambo massappa aju tunung ri ale’e
nappa natiwi ri kotae nabalui. Yaro indo’na jama-jaman ess-essona mannasumi. Na
ye lapong ana’ iwalennae rippe ja’sipa’na na maella-kella toppa. De’namitta ye
sipangngulungenge mancajini tau peddi aregga wadding dipau atuo-tuongenna pede
maperrini kasi. Wettunna kasi pede’ maperri atuo-tuongenna, ye lapong ambo
laoni massompe rikamponna taue, bara’ koengkani matu lisu engkamu dalle napoleang
na mancaji madeceng-decengmu atuo-tuongenna matu, de’na namapeddi banssana
makkukue. Siponganna lapong ambo lao somppe, lapong indo’na kasi sambei
massappa aju tunung rialee. Sipongnna kasi atuo-tuonganna pede mapeddini, ye
lapong indo’ mattajeni bara’ ana’na walennae pede madeceng-decengni bara’ lo’ni
dua-duangngi indo’na massappa aju tunung, ne’ banna pede’ mancaji maella-kellai
na pede’ makuttu to, de’na gaga jama-jamang lo’ najama.
Sitaunni laona lapong ambo, deppa na
enggka karebanna. Engkana siddi wettu na engka kareba pole romai kede ye lapong
ambo mateni riassomperenna ri kamponna taue. Nangkalinganna kareba majae, ye
lapong indo pede messibabuani pa de’ni gaga lakkainna kasi. Yaro pede massi
babuana pa an’na I walennae pede de’naelo riappoang. Engkana seddi wettu, ye
lapong indo mappikkirini lo’i Ssalai ana makkundrainna calalena ko’matindro ni
ritangngabennie.
Engkani wettu nateje-tajengge, laoniro
kasi’ lapong indo de’nappau-pau riana’na nasalai bolae. Jokkaniro nalettu
riwirinna tebbingge na me’ddui karodo na matei. Riele’e moto’ni ro ana’na,
laoni rikamara’na indo’na naitani ranjanna indo’na na degagatau-tau naita.
Iyatoro walennae nasappai indo’na, na de’naruntui. Nasappatoni aga ce’dde bolae
ne’ de’ to naruntui. Kuniro nappammula terri nasaba de’na naitai indo’na,
nasese’toni alena nasaba talliwa-liwani ri indo’na. kuniro nalari tongeng lettu
ri ale’e na ta’terri-terri tongeng ne’ deto naruntui indo’na. lettu makku’kue
yaro laleng nalaloie mancaji salo’ni, iyanaro salo’e makku’kue ritella “salo’
walennae”.
